اسلام آباد – 25 جون (اي پي پي) محرم الحرام 1447 ھجري جو چنڊ ڏسڻ لاءِ مرڪزي چنڊ ڏسڻي ڪميٽي جو اجلاس خميس، 26 جون تي ڪوئيٽا ۾ طلب ڪيو ويو آھي. مذھبي معاملن واري وزارت مطابق مرڪزي ڪميٽي جو اجلاس ڊپٽي ڪمشنر آفيس ڪوئيٽا ۾ طلب ڪيو ويو آھي جنھن جي صدارت مرڪزي ڪميٽي جو چيئرمين مولانا محمد عبدالخبير آزاد ڪندو. اسلام آباد سميت سڄي ملڪ ۾ زونل ڪميٽين جا اجلاس پنھنجي لاڳاپيل صوبائي ھيڊ ڪوارٽرن ۾ منعقد ٿيندا.
