محرم الحرام جو چنڊ ڏسڻ لاءِ مرڪزي چنڊ ڏسڻي ڪميٽي جو اجلاس 26 جون تي طلب ڪيو ويو آهي: ترجمان

لاهور-21 جون (اي پي پي) محرم الحرام 1447 هجري جو چنڊ ڏسڻ لاءِ مرڪزي چنڊ ڏسڻي ڪميٽي جو اجلاس 26 جون خميس ڏينهن ڪوئيٽا ۾ طلب ڪيو ويو آهي. مذهبي معاملن واري وزارت جي ترجمان مطابق مرڪزي چنڊ ڏسڻي ڪميٽي جو اجلاس ڊپٽي ڪمشنر آفيس ڪوئيٽا ۾ طلب ڪيو ويو آهي. مرڪزي چنڊ ڏسڻي ڪميٽي جو چيئرمين مولانا عبدالخبير آزاد اجلاس جي صدارت ڪندو ۽ اسلام آباد سميت زونل ڪميٽين جا اجلاس پنهنجي لاڳاپيل صوبائي هيڊ ڪوارٽرز ۾ منعقد ٿيندا. چنڊ جي ڏسڻ جو حتمي اعلان مرڪزي چنڊ ڏسڻي ڪميٽي جو چيئرمين مولانا عبدالخبير آزاد ڪندو.