وزيراعظم پاران مالي سال 2025ع جي پهرين 10 مهينن ۾ مٽاسٽا جي ناڻي ۾ گذريل سال جي ڀيٽ ۾ 31 سيڪڙو اضافي تي اطمينان جو اظهار

اسلام آباد – 09 – مئي (اي پي پي) وزيراعظم محمد شهباز شريف مالي سال 2025ع جي پهرين 10 مهينن ۾ مٽاسٽا جي ناڻي ۾ گذريل سال جي ڀيٽ ۾ 31 سيڪڙو اضافي تي اطمينان جو اظهار ڪندي چيو آهي ته جولاءِ 2024ع کان اپريل 2025ع مٽاسٽا جو ناڻو 31.2 ارب ڊالر جي بلند ترين سطح تي پهچي ويو. وزيراعظم آفيس جي ميڊيا ونگ پاران جاري بيان موجب وزيراعظم چيو ته مٽاسٽا جي ناڻي ۾ رڪارڊ اضافو ٻاهرئين ملڪ رهندڙ پاڪستانين جي حب الوطني ۽ ملڪي معاشي پاليسين تي اعتماد جو اظهار آهي، ٻاهرئين ملڪ رهندڙ پاڪستاني ملڪي معيشت جي ترقي ۾ مرڪزي ڪردار ادا ڪري رهيا آهن. هن چيو ته پاڪستان حڪومت ملڪي معيشت جي ترقي لاءِ پرعزم آهي.