اسلام آباد – 07 – مئي (اي پي پي) انساني حقن بابت پارلياماني سيڪريٽري صبا صادق چيو آهي ته پاڪستاني فوج جي جواب کانپوءِ ڀارت کي هاڻي آرام اچي ويو هوندو، اسان کي پنهنجي فوج تي فخر آهي، اسان هر قسم جي حالتن لاءِ تيار آهيون، ڀارتي جارحيت بابت پنهنجي موقف ۾ انساني حقن بابت پارلياماني سيڪريٽري صبا صادق چيو ته اسان فوج سان ڪلهوڪلهي سان ملائي بيٺل آهيون. هن چيو ته پاڪستان جي بهادر فوج ڀارت جي 7 ڊرونز ۽ 5 جهازن کي ماري ڪيرايو. اسان پنهنجي خودمختياري، علائقائي سالميت ۽ ڪنهن به قسم جي خلاف جي ڪنهن به اجازت نه ڏينداسين. هن چيو ته پاڪستان جي فوج بهادر فوج آهي ۽ ان جي ڪري ئي پاڪستان کي سڄي دنيا ۾ عزت ملي ٿي. هن چيو ته پاڪستان اسان جو فخر آهي ۽ اسان پنهنجي ملڪ تي ڪو به ڌٻو اچڻ نه ڏينداسين. هن چيو ته ڀارت سوچيو ته هو رات جي اونداهي ۾ ڪامياب ٿي ويندو پر کيس خبر ئي نه هئي ته پاڪستان جا بهادر جوان هر وقت جاڳندا رهن ٿا. هن چيو ته ڀارت کي منهن ٽوڙ جواب ملڻ کانپوءِ هاڻي کيس آرام اچي ويو هوندو. هن چيو ته پاڪستان پنهنجو دفاع ڪرڻ ڄاڻي ٿو ۽ دشمن کي اهو ٻڌائي ڇڏيو آهي ته پنهنجي ملڪ جو دفاع ڪيئن ڪبو آهي ۽ اڳتي به پاڪستان جي هٿياربندف وج پنهنجي وطن جو ائين ئي دفاع ڪندي رهندي. اڄ پاڪستان جي عوام جي دلين ۾ پاڪ فوج جي لاءِ عزت اڃا به وڌي وئي آهي.
