گڏيل قومون – 8 جنوري (اي پي پي) گڏيل قومن جي سيڪريٽري جنرل انتو نيوگوتريش چين جي علائقي زي زانگ ۾ زلزلي سبب ٿيل شديد جاني نقصان تي گهري ڏک جو اظهار ڪيو آهي. پرڏيهي ميڊيا سيڪريٽري جنرل جي ترجمان جي حوالي سان ٻڌايو ته انتونيوگوتريش زخمين جي جلد صحتيابي لاءِ نيڪ خواهشن ۽ متاثرن جي ڪٽنب سان دلي همدردي ۽ تعزيت جو اظهار ڪيو آهي . سيڪريٽري جنرل چيو ته گڏيل قومن جي صورتحال تي گهري نظر رکيل آهي ۽ جيڪڏهن درخواست ڪئي وئي ته مدد فراهم ڪرڻ لاءِ تيار آهيون . واضع رهي ته گذريل ڏينهن ڏکڻ اولهه چين جي خودمختيار علائقي زي زانگ ۾ 6.8 جي شدت جا زلزلي جا لوڏا محسوس ڪيا ويا جنهن ۾ فوت ٿي ويلن جو انگ وڌي 126 ٿي ويو ، جڏهن ته 188 زخمي ٿيا ، علائقي ۾ هزارين ڳوٺاڻا گهر تباهه ٿي ويا آهن.
