رياض- 21 نومبر (ا ي پي پي) سعودي عرب جي مذهبي معاملن واري وزارت چيو آهي ته حج 2025ع لاءِ 65 سالن کان وڌيڪ عمر جي حج پانڌيئڙن لاءِ ڪورونا ويڪسين سرٽيفڪيٽ لازمي آهي. پرڏيهي ميڊيا مطابق گذريل ڏينهن وزارت طرفان جاري بيان ۾ چيو ويو آهي ته ڪورونا سرٽيفڪيٽ نه هجڻ جي صورت ۾ حج جي سفر تي روانگي ممڪن نه ٿيندي. ان حوالي سان درخواست گذار کي لاڳاپيل بئنڪ ۾ 10 فيبروري 2025ع کان اڳ سعودي عرب جي منظور ٿيل ڪورونا ويڪسين جو سرٽيفڪيٽ جمع ڪرائڻ جي خاطري تي درخواست جمع ڪرائڻ جي مشروط اجازت ڏني وئي آهي.
