رمله – 02 سيپٽمبر (اي پي پي)غزه ۾ گڏيل قومن ۽ مقامي صحت واري وزارت جي اختيارين جي گڏيل ڪوششن سان پوليو ويڪسينيشن مهم جاري آهي. پرڏيهي خابرو اداري مطابق ان مهم دوران غزه جي ڪجهه علائقن ۾ عارضي جنگ بندي ڪئي وئي آهي. گذريل ڏينهن غزه ۾ اٽڪل 72 هزار ٻارن کي پوليو ويڪسين ڏني وئي. گڏيل قومن اعلان ڪيو ته اها مهم مرحليوار فلسطيني پٽي جي سمورن علائقن ۾ هلائي ويندي. ان سان گڏ ”انساني جنگ بندي“ به ٿيندي، جنهن جا شرط مڪمل طور تي واضح ناهن.
