ماسڪو-12 آگسٽ (اي پي پي) روس جي گادي واري شهر ماسڪو ۾ روس جي فوج جي انتظام هيٺ انٽرنيشنل ملٽري اينڊ ٽيڪنيڪل فورم 2024ع جي گذريل ڏينهن شروعات ٿي وئي جنهن ۾ 83 ملڪن جا فوجي ۽ وفد شرڪت ڪري رهيا آهن. عالمي خابرو اداري مطابق روس جي دفاع واري وزارت چيو ته ٽن ڏينهن واري فورم ۾ شريڪ 83 ملڪن جي سرڪاري فوج جي وفدن ۾ 39 وفدن جي قيادت اعليٰ دفاعي اختياريون ۽ چيف آف جنرل اسٽاف ڪري رهيون آهن. ان کان علاوه بيلا روس، ايران، ڀارت ۽ چين جي دفاعي صنعت سان لاڳاپيل ڪمپنيون به فورم ۾ شرڪت ڪري رهيون آهن. فورم دوران روس جي فوجي اختيارين جي پرڏيهي فوجي اختيارين سان 191 گڏجاڻيون رٿيل آهن. فورم 14 آگسٽ تائين جاري رهندو.
