اسلام آباد – 18 جولاءِ (اي پي پي) صدر ممنون حسين چيو آهي ته ترقي يافته قومن سان قدم سان قدم ملائي هلڻ لاءِ اسان کي پنهنجي روايتي سوچ ۽ انداز کي بدلائي تخليقي انداز فڪر اختيار ڪرڻو پوندو. اها ڳالهه هن ايڪيتاليهين انٽرنيشنل نٿيا گلي سمر ڪاليج جي سالياني افتتاحي تقريب کي خطاب ڪندي چئي. هن چيو ته خوشي آهي ته سمر ڪاليج ۾ تعليم ۽ تحقيق سان لاڳاپيل ادارن جو هڪ وڏو تعداد شريڪ آهي، صدر چيو ته پاڪستان ايٽامڪ انرجي ڪميشن جون ڪوششون واکاڻ جوڳيون آهن، اهو ادارو گذريل چئن ڏهاڪن کان نٿياگلي سمر ڪاليج جي تحت ملڪ ۾ سائنس ۽ ٽيڪنالاجي جي ترقي لاءِ ڪم ڪري رهيو آهي، صدر چيو ته سائنسي ترقي لاءِ جيڪڏهن نصاب ۾ به تبديلي جي ضرورت پوي ته ان تي هنگامي بنيادن تي ڪم ڪيو وڃي.
