پيرس -05 آگسٽ (اي پي پي) اردن جي بادشاهه شاهه عبدالله ثاني ۽ فرانس جي صدر ايمانويل ميڪرون ٽيليفونڪ رابطي ۾ وچ اوڀر جي صورتحال تي ڳڻتي جو اظهار ڪندي چيو آهي ته ان ڇڪتاڻ کان هر صورت ۾ بچڻ جي ضرورت آهي، اي ايف پي فرانس جي ايوان صدر جي جاري بيان جي حوالي سان ٻڌايو ته ٻنهي اڳواڻن سمورين ڌرين کي اپيل ڪئي آهي، ته اهي انتقامي ڪارروائين جو سلسلو بند ڪندي آبادي جي سلامتي لاءِ انتهائي ذميواري ۽ تحمل جو مظاهرو ڪن. اهو رابطو اهڙي وقت ٿيو جڏهن ته وچ اوڀر ۾ امڪاني فوجي ڇڪتاڻ جي حوالي سان خدشا وڌي رهيا آهن.
