برسلز -29 جولاءِ (اي پي پي) بيلجيئم، لڪسمبرگ ۽ يورپي يونين ۾ پاڪستان جي سفير آمنه بلوچ گذريل ڏينهن ورلڊ ڪسٽمز آرگنائيزيشن جي سيڪريٽري جنرل ايان سانڊرز سان ملاقات ڪئي. بيلجيئم ۾ پاڪستاني سفارتخاني طرفان ٽوئيٽر تي جاري بيان مطابق ملاقات ۾ پاڪستان ۽ ورلڊ ڪسٽمز آرگنائيزيشن وچ ۾ ڪسٽمز سهڪار جي شعبي ۾ رابطن تي خيالن جي ڏي وٺ ڪئي وئي. هن پاڪستان ۽ ڊبليو سي او وچ ۾ شراڪتداري کي وڌيڪ هٿي وٺرائڻ جا طريقا ڳولهڻ تي به ڳالهيون ڪيون.
