رياض-29 جولاءِ (اي پي پي) يونيسڪو پاران پنهنجي عالمي ثقافتي ورثي جي فهرست ۾ سعودي عرب جي نئين ثقافتي تاريخي ماڳ ”الفاو“ کي شامل ڪرڻ جو اعلان ڪيو ويو آهي. سبق نيوز موجب يونيسڪو جي عالمي ورثي ۾ الفاو جي ماڳ کي شامل ڪرڻ جي حوالي سان ثقافت جي وزير شهزاده بدر بن عبدالله فرحان آل سعود جو چوڻ هو ته الفاو قديمي آثارن جي علائقي کي يونيسڪو جي عالمي ثقافتي ورثي جي فهرست ۾ شامل ڪرڻ سان مُلڪ جي ويزن 2030 جو هدف حاصل ڪرڻ جو رستو کُلندو. نئُون ماڳ شامل ٿيڻ سان مُلڪ ۾ موجود قديم تاريخي ماڳن جي فهرست ۾ وڌيڪ اضافو ٿيندو.
