آستانه – 04 – جولائي (اي پي پي) بيلاروس شنگهائي تعاون تنظيم ايس سي او جو باضابطا طور تي ميمبر بڻجي ويو آهي. چين جي خابرو اداري شنهوا موجب شنگهائي تعاون تنظيم جو 24 هون سربراهي اجلاس آستانه ۾ شروع ٿيو. سربراهي اجلاس جي شروعات هڪ سرڪاري تقريب سان ٿي جنهن ۾ بيلاروس جي ميمبرشپ جي لاءِ سڀني لاڳاپيل دستاويزن تي صحيحون ڪيون ويون. ملڪي سربراهن ايس سي او اجلاس ۾ جمهوريه بيلاروس جي مڪمل ميمبرشپ جو فيصلو ڪيو. واضح رهي ته شنگهائي تعاون تنظيم جو سربراهي اجلاس هن وقت آستانه ۾ جاري آهي جنهن ۾ پاڪستان، چين، روس، قازقستان، ايران، ڪرغزستان، ڀارت، تاجڪستان، ازبڪستان، بيلاروس، منگوليا، آذربائيجان، قطر، گڏيل عرب امارات، ترڪيه ۽ ترڪمانستان کانسواءِ ٻيا ملڪ به شرڪت ڪري رهيا آهن.
