سرينگر -02 جولائي (اي پي پي ) ڪشمير وادي ۾ گرمي جي شدت ۾ اضافي سبب اسڪولن ۾ موڪلن جو اعلان ڪيو ويو آهي .انڊيا ٽو ڊي جي رپورٽ موجب مقامي تعليم کاتي سينئر سيڪنڊري سطح جي سمورن اسڪولن لاءِ 10 ڏينهن جي گرمين جي موڪلن جو اعلان ڪيو آهي . ان سلسلي ۾ جاري نوٽيفيڪيشن موجب ڪشمير ڊويزن ۾ آيل سمورن سرڪاري ۽ منظور ٿيل پرائيويٽ اسڪول 8 کان 17 جولائي تائين گرمي جي شدت سبب بند رهندا. موڪلن دوران ضرورت پوڻ تي شاگردن لاءِ آن لائن رهنمائي دستياب هوندي.
