بيجنگ -01 جولاءِ (اي پي پي) چين جي صدر شي جن پنگ سمانٿا موسٽين کي آسٽريليا جي نئين گورنر جنرل جي حيثيت سان حلف کڻڻ تي مبارڪون ڏنيون آهن. گذريل ڏينهن چين جي ميڊيا گروپ مطابق شي جن پنگ چيو ته چين ۽ آسٽريليا هڪ ٻئي جا اهم شراڪتدار، ايشيا پيسيفڪ علائقي جا اهم ملڪ ۽ عالمي سطح تي ملٽي پولرائزيشن جي عمل ۾ اهم طاقتون آهن. صحتمند ۽ مستحڪم طور تي ترقي ڪندڙ چين آسٽريليا لاڳاپا ٻنهي ملڪن ۽ عوام جي بنيادي ۽ ڊگهي مدي وارن مفادن ۾ آهن ۽ علائقائي ۽ عالمي امن، استحڪام، ترقي ۽ خوشهالي لاءِ سازگار آهن. چين جي صدر چيو ته هو چين آسٽريليا لاڳاپن جي ترقي کي وڏي اهميت ڏئي ٿو ۽ اختلافن کي پٺتي رکي گڏيل احترام، گڏيل مفاد ۽ تي آسٽريليا سان ملي وڌيڪ پختو، مستحڪم ۽ نتيجا چيندڙ چين آسٽريليا جامع اسٽريٽجڪ شراڪتداري جي تعمير کي ٻنهي ملڪن جي عوام جي مفاد ۾ هٿي ڏيڻ لاءِ ڪم ڪرڻ تي تيار آهن.
