سيئول-26 جون (اي پي پي ) ڏکڻ ڪوريا چيو آهي ته اتر ڪوريا سمنڊ مان هڪ بيلسٽڪ ميزائل فائر ڪيو آهي. جنهن جو پتو لڳايو ويو آهي. يونهاپ نيوز ڏکڻ ڪوريائي فوج جي جوائنٽ چيف آف اسٽاف جي حوالي سان ٻڌايو ته اتر ڪوريا اربع واري ڏينهن سمنڊ مان هڪ بيلسٽڪ ميزائل فائر ڪيو آهي، جڏهن ته ان حوالي سان تفصيل ناهي آئي جڏهن ته جاپاني ڪوسٽ گارڊ به اتر ڪوريا جي ان عمل جي تصديق ڪئي آهي وزارت دفاع جي حوالي سان جاپان ڪوسٽ گارڊز ٻڌايو ته اتر ڪوريا مان بيلسٽڪ ميزائل فائر ڪيو ويو. واضح رهي ته ان کان اڳ اتر ڪوريا جو آخري ميزائل 30 مئي تي فائر ڪيو ويو هيو.
