بغداد _ 20 جون (اي پي پي ) عرب ملڪن جي ڪيترن شهرن ۾ گرمي درجو 50 ڊگري سينٽي گريڊ کان به وڌي ويو آهي. رپورٽ مطابق عرب ملڪ جون جي شروعات کان ئي شديد گرمي جي لهر کي منهن ڏئي رهيا آهن. گذريل ڏينهن سڄي دنيا ۾ رڪارڊ ڪيل 10 سڀ کان وڌيڪ گرمي جي درجن وارن ملڪن ۾ ڪويت ۽ عراق شامل آهن. عراق جي علائقي الناصريه ۾ گرمي جو درجو 50.7 سينٽي گريڊ ، ميسان شهر ۾ 50.6 ڊگري سينٽي گريڊ جڏهن ته ڪويت ۾ گرمي جو درجو 50.3 سينٽي گريڊ رڪارڊ ڪيو ويو آهي. عراق جي شهر سماوه ۾ گرمي جو درجو 50، الاشراف ۾ 49.8 ۽ بصره ۾ 49.8 ڊگري سينٽي گريڊ رڪارڊ ڪيو ويو آهي .
