واشنگٽن-14 جون (اي پي پي) روس بحري ٻيڙي جو ڪيوبا جي دوري دوران فلوريڊا جي سامونڊي علائقي کان 50 ڪلوميٽر پري گزرنيپر آمريڪي بحريه علائقي ۾ جنگي جهاز ۽ جهاز روانا ڪري ڇڏيا آهن. ٽي آر ٽي موجب آمريڪا جي اتر ڪمان نارٿ ڪوم ٻڌايو ته روسي ٻيڙي جون سرگرميون ڏسڻ لاءِ علائقي ۾ 3 سرگرم بحري جهاز ۽ هڪ مشاهداتي جهاز روانو ڪيو ويو هو، بيان ۾ چيو ويو آهي ته ڪيوبا ۽ روس وچ ۾ تاريخي دوستاڻا لاڳاپا آهن، روسي ٻيڙو ايٽمي هٿيارن کان پاڪ هو، جنهن تي ان علائقي ۾ ڪنهن قسم جو خطرو محسوس نه ٿيڻ ڏنو، دوست ملڪن طرفان ان طرح جا دورا معمول ۽ عالمي قانونن موجب هوندا آهن. ياد رهي ته ڪيوبا جي پرڏيهي معاملن واري وزارت گذريل ڏينهن پنهنجي بيان ۾ چيو هو ته روس جا ٽي بحري جهاز ۽ هڪ ايٽمي ٻيڙو هوانا جي بندرگاهه تي لنگر انداز ٿيندا.
