بيروت-12 جون(اي پي پي)لبنان جي ڏکڻ شهر طائر جي جوئيه واري علائقي تي اسرائيل جي هوائي حملي ۾ 4 ماڻهو فوت ۽ 10 زخمي ٿي پيا،ميڊيا رپورٽن موجب رات جو دير سان ڪيل هوائي حملي ۾ جوئيه ۾ ٽن ميزائلن ذريعي هڪ گهر کي نشانو بڻايو ويو جنهن ۾ لبناني گروپ حزب الله جو هڪ سينيئر فوجي اڳواڻ ابوطالب ۽ سندسن ٽي ساٿي مارجي ويا،حزب الله هن وقت تائين ان واقعي تي ڪو به تبصرو نه ڪيو آهي.مقامي طبي ذريعن موجب سول ڊيفنس ۽ اسلامڪ هيلٿ اٿارٽي جي ٽيمن گهر جو ڀنجو هٽايو ۽ لبناني ريڊ ڪراس زخمين کي اسپتال منتقل ڪيو جڏهن ته گم ٿي ويل ماڻهن جي ڳولا جاري آهي،هوائي حملي جي جواب ۾ حزب الله اعلان ڪيو ته ڊرون ۽ ميزائلن جو استعمال ڪندي اسرائيلي فوجي ٺڪاڻن تي حملا شروع ڪيا ويا آهن.
