ماسڪو-11 جون (اي پي پي) روس جو سپر سونڪ بمبار جهاز ايس يو – 34 معمول واري تربيتي مشن دوران ملڪ جي جابلو علائقي نارٿ اوسيتيا – لانيه ۾ ڪري تباهه ٿي ويو. حادثي ۾ ٻئي پائليٽ فوت ٿي ويا. رشيا ٽو ڊي روسي دفاع واري وزارت جي حوالي سان ٻڌايو ته هي حادثو اڱاري جي صبح جو پيش آيو ۽ شروعاتي جاچ مان خبر پوي ٿي ته جهاز فني خرابي سبب حادثي جو شڪار ٿيو. هي جهاز انتهائي درستگي واري بمن ۽ ميزائلن سان زميني هدفن کي نشانو بڻائڻ جي صلاحيت رکي ٿو.
