رياض-06 جون (اي پي پي ) سعودي عرب مسجد اقصيٰ تي اسرائيلي انتها پسندن جي حملي جي مذمت ڪئي آهي . عرب نيوز موجب سعودي عرب جي پرڏيهي وزارت اسرائيلي قابض حڪومت جي ڪيترن ئي عهديدارن، ڪنيسٽ جي ميمبرن ۽ انتهاپسند آبادڪارن طرفان مسجد اقصيٰ تي حملي جي مذمت ڪئي آهي .جاري ڪيل بيان ۾ اسرائيلي اڳواڻن ان قدم جي به مذمت ڪئي وئي آهي، جنهن ۾ انتها پسند آبادڪارن کي اسرائيلي سيڪيورٽي فورسز جي تحفظ ۾ چڙ ڏياريندڙ مارچ جي اجازت ڏني وئي. بيان ۾ چيو ويو ته آهي خلاف ورزيون سڄي دنيا جي مسلمانن جي جذبن کي مجروح ۽ ڀڙڪائڻ جو سبب بڻجي سگهن ٿيون. بيان ۾ ان ڳالهه تي زور ڀريو ويو آهي ته ان قسم جا منظم حملا عالمي ٺهرائن جي نج ڀڇڪڙي آهي ۽ ان طرح جون ڪارروائيون امن لاءِ ڪيل ڪوششن جي راهه ۾ رڪاوٽ ثابت ٿينديون .
