ڍاڪا-22 مارچ (اي پي پي)بنگلاديش جي وزير اعظم شيخ حسينه واجد روس جي صدر لاديمير پيوٽن کي چونڊن ۾ ڪاميابي تي مبارڪون ڏنيون آهن. ميڊيا رپورٽن موجب وزيراعظم جي پارٽي عوامي ليگ گذريل ڏينهن ايڪس تي جاري ڪيل بيان ۾ چيو ته وزيراعظم شيخ حسينه واجد ولاديمير پيوٽن کي روس جو صدر چونڊجڻ تي مبارڪ ڏني آهي. واضع رهي ته روسي صدر چونڊن ۾ پنجين مدي لاءِ وڏي اڪثريت سان ڪاميابي حاصل ڪئي آهي، مقامي ميڊيا ٻڌايو آهي ته بنگلاديشي وزيراعظم روس صدر کي مبارڪن وارو پيغام ٽيلي گرام ذريعي موڪليو،ياد رهي ته روس ۾ ٽن ڏينهن واريون صدارتي چونڊون 15 کان 17 مارچ تائين منعقد ٿيون هيون، سينٽرل اليڪشن ڪميشن(سي اي سي) جي انگن اکرن موجب روسي صدر ولاديمير پيوٽن اميدوار طور 87.28 سيڪڙو ووٽ حاصل ڪيا.
