رياض- 30 جنوري (اي پي پي) سعودي عرب جي آبادي ۾ نوجوانن جي شرح 44 سيڪڙو آهي جڏهن ته افرادي سگهه ۾ سندن حصو 78 سيڪڙو تائين پهچي ويو آهي. اها ڳالهه سعودي عرب جي افرادي سگهه ۽ سماجي ڀلائي واري کاتي جي وزير انجنيئر احمد الراجحي نوجوانن جي حوالي سان ترقياتي حڪمت عملي جاري ڪرڻ جي حوالي سان هڪ تقريب کي خطاب ڪندي ڪيو. هن ٻڌايو ته سعودي نوجوان ويزن 2030ع موجب مملڪت جي ترقي ۾ پنهنجو ڪردار ادا ڪري رهيا آهن. نوجوانن جي ترقياتي حڪمت عملي 30 کان وڌيڪ سرڪاري ۽ نجي ادارن جي سهڪار سان تيار ڪئي وئي آهي. هن ٻڌايو ته ان حڪمت عملي تحت 20 انيشيئيٽوز ۽ 40 منصوبن تي عمل ڪيو ويندو.
