دبئي – 21 ڊسمبر (اي پي پي) گڏيل عرب امارتن جي رياست دبئي جي سول ڪورٽ ۾ غير ضروري سرجري جو الزام ثابت ٿيڻ تي نجي اسپتال ۽ ڊاڪٽر تي مجموعي طور تي 8 ملين درهم ڏنڊ مڙهيو ويو آهي. سعودي خابرو اداري موجب دبئي جي سول عدالت ۾ متاثره عورت پنهنجي دعويٰ ۾ انشورنس ڪمپني، نجي اسپتال ۽ ڊاڪٽر خلاف غير ضروري سرجري تي 17 ملين 750 هزار درهم ڏنڊ جو مطالبو ڪيو. عدالت ڪيس ڄاڻايل ڪميٽي کي اماڻيو جنهن معاملي جو جائزو وٺڻ بعد پنهنجون سفارشون عدالت کي پيش ڪيون رپورٽ ۾ ڊاڪٽر کي ڏوهي قررار ڏنو ويو. عدالت اسپتال ۽ ڊاڪٽر مٿان 8 ملين درهم ڏنڊ مڙهيو.
