اسلام آباد – 31 جنوري (اي پي پي) وزيراعظم عمران خان چيو آهي ته مستحق ۽ پيڙهيل عورتن جي لاءِ 200 ارب رپين جي لاڳت سان پاڪستان جي تاريخ جي سڀ کان وڏو فلاحي پروگرام شروع ڪيو ويو آهي، ماضي ۾ مستحقين جا فنڊز چوري ٿيندا رهيا ان جو رستو به بند ڪيو ويو آهي، غريب خاندانن جي ٻارن کي اسڪالرشپ ڏيڻ جو پروگرام به جلد شروع ڪيو ويندو، نئين پاڪستان جو مقصد معاشرتي برابري کي يقيني بڻائڻ آهي، نوجوانن جي لاءِ قرض پروگرام انهن جي ڀلائي جي لاءِ اهم ڪردار ادا ڪندو. هو احساس ڪفالت پروگرام جي افتتاحي تقريب کي خطاب ڪري رهيو هو.
