وزيراعظم پاران قرضن جو ماپو وڌڻ تي ڳڻتي جو اظهار

اسلام آباد – 11 آڪٽوبر (اي پي پي) وزيراعظم عمران خان گذريل 10 سالن ۾ قرضن جو ماپو 6 ارب روپين کان 30 هزار ارب روپين تائين وڌڻ تي گهري ڳڻتي جو اظهار ڪندي ناڻي واري وزارت کي هدايت ڪئي آهي ته گذريل 10 سالن ۾ قرض وٺڻ جي سببن ۽ ان جي استعمال جو تفصيلي جائزو پيش ڪيو وڃي، ماضي جي قرضن جي قسط جي ادائيگي لاءِ وڌيڪ قرض وٺڻا پئجي رهيا آهن، نئون پاڪستان هائوسنگ منصوبو نهايت اهم آهي ان جي پڄاڻي سان اسان جي معيشت ۾ نمايان بهتري ايندي، وزيراعظم آفيس ۾ وفاقي ڪابينا جي اجلاس جي صدارت ڪندي هن ناڻي واري وزارت کان قرضن جا تفصيل پڇيا.