اسلام آباد – 15 جون (اي پي پي) وزيراعظم جي خاص صلاحڪار ڊاڪٽر آصف ڪرماڻي چيو آهي ته وزيراعظم محمد نواز شريف انتهائي سادگي ۽ بغير پروٽوڪول جي وزيراعظم طور جي آءِ ٽي جي سامهون پيش ٿي نئين سياسي تاريخ لکي ڇڏي آهي، ماضي ۾ وزيراعظم وڏي لشڪر سان گڏ عدالتن ۾ ايندا رهيا آهن، وزيراعظم محمد نواز شريف ۽ سندس فيملي سدائين عدليه جو احترام ڪيو آهي. جڊيشل اڪيڊمي جي ٻاهران صحافين سان ڳالهائيندي ڊاڪٽر آصف ڪرماڻي چيوته وزيراعظم طور سدائين بلوبڪ ۽ ايس او پي موجب سدائين پروٽوڪول سان موومينٽ ڪندا آهن پر عدليه جي احترام ۾ ۽ جي آءِ ٽي طرفان گهرائڻ تي وزيراعظم محمد نواز شريف خميس ڏينهن بنا ڪنهن پروٽوڪول جي پنهنجي ذاتي گاڏي ۾ آيو آهي.
