ڊي سي لاڙڪاڻو جي صدارت ۾ ضلعي جي مختلف مقامي ڪائونسلن ۾ خالي ٿيل سيٽن تي ٿيندڙ مڪاني ضمني چونڊن جي انتظامن جو جائزو وٺڻ لاءِ اجلاس

لاڙڪاڻو – 20 آڪٽوبر (اي پي پي) لاڙڪاڻو جي ڊپٽي ڪمشنر ۽ ضلعي رٽرننگ آفيسر طارق منظور چانڊيو ضلعي جي مختلف مقامي ڪائونسلن ۾ خالي ٿيل سيٽن تي ٿيندڙ مقامي حڪومتي ضمني چونڊن جي انتظامن جو جائزو وٺڻ لاءِ اجلاس جي صدارت ڪئي. اجلاس ۾ ضلعي لاڙڪاڻي جي يونين ڪائونسل نمبر 28 انوار آباد، ٽائون ڪميٽي ٻڍا، يونين ڪائونسل نمبر 10 لاشاري، يونين ڪائونسل نمبر 12 جمعو اگهم، يونين ڪائونسل نمبر 15 آگاڻي، يونين ڪائونسل نمبر 16 عاقل، يونين ڪائونسل نمبر 17 ڦل ۽ يونين ڪائونسل نمبر 18 رشيد وڳڻ ۾ ٿيندڙ ضمني چونڊن تي غور ڪيو ويو. اجلاس ۾ اسسٽنٽ اليڪشن ڪمشنر لاڙڪاڻو، رٽرننگ آفيسرن، اسسٽنٽ رٽرننگ آفيسرن، ڊي ايس پي حيدري، ڊي آءِ بي انچارج پوليس لاڙڪاڻو ۽ ٻين لاڳاپيل آفيسرن شرڪت ڪئي. اسسٽنٽ اليڪشن ڪمشنر لاڙڪاڻو اجلاس کي ٻڌايو ته مقامي حڪومتي ضمني چونڊن جو شيڊول 19 آڪٽوبر 2026ع تي عوامي نوٽيس جاري ٿيڻ سان شروع ٿي چڪو آهي. اجلاس ۾ نامزدگي ڪاغذن جي وصولي ۽ جاچ، اپيلن جي داخلا ۽ فيصلن، اميدوارن جو هٿ کڻڻ، چونڊ نشانن جي الاٽمينٽ، پولنگ ۽ نتيجن بابت تفصيلي بحث ڪيو ويو. شيڊول موجب، اميدوار 20 آڪٽوبر کان 22 آڪٽوبر 2026ع تائين رٽرننگ آفيسرن وٽ پنهنجا نامزدگي ڪاغذ جمع ڪرائي سگهندا. نامزد ٿيل اميدوارن جا نالا 23 آڪٽوبر تي شايع ڪيا ويندا، جڏهن ته نامزدگي ڪاغذن جي جاچ پڙتال 24 کان 28 آڪٽوبر تائين ڪئي ويندي. اميدوارن جي فهرست 29 آڪٽوبر 2026ع تي جاري ڪئي ويندي. رٽرننگ آفيسرن جي فيصلن خلاف اپيلون 30 آڪٽوبر کان 2 نومبر تائين داخل ڪرائي سگهجن ٿيون، جڏهن ته اپيل ٽربيونلز 3 کان 5 نومبر تائين انهن تي فيصلا ڪندا. اميدوارن جي نظرثاني ٿيل فهرست 6 نومبر تي شايع ڪئي ويندي. اميدوار 7 کان 9 نومبر تائين پنهنجي اميدوار طور مخلاف جي حق ۾ هٿ کڻي سگهندا، ان کانپوءِ نظرثاني ٿيل فهرست جاري ڪئي ويندي. چونڊ وڙهندڙ اميدوارن کي چونڊ نشان الاٽ ڪرڻ ۽ حتمي فهرست شايع ڪرڻ لاءِ 10 نومبر 2026ع جي تاريخ مقرر ڪئي وئي آهي. ووٽنگ جو ڏينهن 22 نومبر 2026ع آهي، جڏهن ته چونڊ نتيجن جي ڪنسوليڊيشن 23 ۽ 24 نومبر تائين ڪئي ويندي. ڊپٽي ڪمشنر لاڙڪاڻو پاران رٽرننگ آفيسرن، اسسٽنٽ رٽرننگ آفيسرن ۽ پوليس کاتي کي هدايت ڪئي وئي ته مقرر ٿيل چونڊ شيڊول ۽ لاڳو قاعدن مطابق سڀ ضروري انتظام مڪمل ڪيا وڃن. هن چونڊ عمل کي هموار، شفاف، پرامن ۽ غير جانبدار بڻائڻ لاءِ لاڳاپيل ادارن جي وچ ۾ ويجهي رابطي تي زور ڀريو.