سينيٽ خيبر پختونخوا ۾ هنگامي حالت لاڳو ڪرڻ جي حوالي سان قرارداد جي منظوري ڏئي ڇڏي

اسلام آباد-14 آڪٽوبر (اي پي پي) سينيٽ صدر مملڪت طرفان خيبرپختونخوا ۾ هنگامي حالت لاڳو ڪرڻ جي حوالي سان قرارداد جي منظوري ڏئي ڇڏي. اربع ڏينهن سينيٽ جي اجلاس ۾ پارلياماني معاملن واري وفاقي وزير ڊاڪٽر طارق فضل چوڌري، اسلامي جمهوريه پاڪستان جي آئين جي آرٽيڪل 232 جي شق هڪ جي ٻئي جملي شرطيه تحت 11 آڪٽوبر تي صدر مملڪت طرفان خيبرپختونخوا صوبي ۾ هنگامي حالت لاڳو ڪرڻ جي اعلان جي حوالي سان قرارداد ايوان ۾ پيش ڪئي، جنهن تي سينيٽ چيئرمين سيد يوسف رضا گيلاني ايوان جي راءِ ورتي. بعد ۾ ايوان قرارداد جي اڪثريت راءِ سان منظوري ڏئي ڇڏي.