ڪراچي-01 آڪٽوبر (اي پي پي) سنڌ جي گورنر سيد محمد نهال هاشمي چيو آهي ته سنڌ جا سامونڊي ۽ بحري وسيلا صوبي جو قيمتي اثاثو آهن، انهن جي مؤثر، ذميواراڻي ۽ پائيدار استعمال لاءِ سمورن لاڳاپيل اسٽيڪ هولڊرز وچ ۾ مؤثر رابطو ۽ سهڪار وقت جي اهم ضرورت آهي.انهن خيالن جو اظهار هن صوبائي وزير لائيو اسٽاڪ ۽ فشريز محمد علي ملڪاڻي سان گورنر هائوس ۾ ملاقات دوران ڪيو. ملاقات …
سنڌ جا سامونڊي وسيلا صوبي جو قيمتي اثاثو آهن، انهن جي موثر، ذميواراڻي ۽ پائيدار استعمال لاءِ لاڳاپيل ڌرين وچ ۾ موثر رابطو وقت جي اهم ضرورت آهي: سنڌ جو گورنر
مزید خبریں
ڪراچي-01 آڪٽوبر (اي پي پي) سنڌ جي گورنر سيد محمد نهال هاشمي چيو آهي ته سنڌ جا سامونڊي ۽ بحري وسيلا صوبي جو قيمتي اثاثو آهن، انهن جي مؤثر، ذميواراڻي ۽ پائيدار استعمال لاءِ سمورن لاڳاپيل اسٽيڪ هولڊرز وچ ۾ مؤثر رابطو ۽ سهڪار وقت جي اهم ضرورت آهي.انهن خيالن جو اظهار هن صوبائي وزير لائيو اسٽاڪ ۽ فشريز محمد علي ملڪاڻي سان گورنر هائوس ۾ ملاقات دوران ڪيو. ملاقات ۾ سنڌ بلوچستان ڪوسٽل گروپ آف ڪمپنيز جو نائب صدر علي پسناڻي پڻ موجود هو.ملاقات دوران صوبي ۾ ماهيگيري جي شعبي جي ترقي، سامونڊي وسيلن جي مؤثر استعمال، ايڪوا اسپورٽس، بليو اڪانومي، پبلڪ پرائيويٽ پارٽنرشپ ۽ ساحلي علائقن ۾ معاشي سرگرمين کي هٿي وٺرائڻ سميت گڏيل دلچسپي جي ٻين معاملن تي تفصيلي خيالن جي ڏي وٺ ڪئي وئي.گورنر چيو ته بليو اڪانومي جديد دور ۾ معاشي ترقي جو هڪ اهم شعبو بڻجي چڪو آهي. سنڌ جي ڊگهي سامونڊي پٽي ۽ وسيع سامونڊي وسيلن کي جديد ٽيڪنالاجي، نجي سيڙپڪاري ۽ مؤثر منصوبابندي ذريعي معاشي ترقي لاءِ ڪتب آڻي سگهجي ٿو.هن چيو ته ساحلي علائقن ۾ ماهيگيري، سامونڊي واپار، ايڪوا اسپورٽس ۽ ساحلي سياحت کي هٿي وٺرائڻ جا وسيع امڪان موجود آهن، جن مان فائدو وٺندي نه رڳو معاشي سرگرمين ۾ اضافو ڪري سگهجي ٿو، پر مقامي آبادي لاءِ روزگار ۽ ڪاروبار جا نوان موقعا پڻ پيدا ڪري سگهجن ٿا.ملاقات دوران ايڪوا اسپورٽس ۽ ساحلي سياحت کي هٿي وٺرائڻ جي امڪانن جو پڻ جائزو ورتو ويو. ان موقعي تي ان ڳالهه تي زور ڏنو ويو ته سنڌ جي ساحلي علائقن ۾ موجود قدرتي وسيلن کي پائيدار بنيادن تي استعمال ڪندي سياحت ۽ تفريحي سرگرمين کي هٿي ڏني وڃي.گورنر پبلڪ پرائيويٽ پارٽنرشپ ذريعي ساحلي ۽ سامونڊي شعبن ۾ سيڙپڪاري کي هٿي وٺرائڻ جي ضرورت تي زور ڀريندي چيو ته حڪومت ۽ نجي شعبي جي گڏيل سهڪار سان اهڙا منصوبا شروع ڪري سگهجن ٿا، جيڪي صوبي ۾ سيڙپڪاري، روزگار ۽ معاشي سرگرمين کي هٿي وٺرائڻ جو سبب بڻجن.صوبائي وزير لائيو اسٽاڪ ۽ فشريز محمد علي ملڪاني گورنر سنڌ کي ماهيگيري ۽ لاڳاپيل شعبن ۾ جاري سرگرمين ۽ مستقبل جي منصوبن بابت آگاهه ڪيو.ملاقات ۾ سامونڊي وسيلن جي تحفظ، ماهيگيري جي شعبي جي بهتري، ساحلي علائقن ۾ سيڙپڪاري، ايڪوا اسپورٽس، ساحلي سياحت ۽ بليو اڪانومي کي هٿي وٺرائڻ بابت مختلف تجويزن تي پڻ خيالن جي ڏي وٺ ڪئي وئي.
