وزيراعظم محمد شهباز شريف جي ڇهين ورلڊ نوميڊ گيمز جي افتتاحي تقريب ۾ شرڪت، پاڪستاني رانديگرن جي دستي کي خراج عقيدت پيش

بشڪيڪ – 31 آگسٽ (اي پي پي) وزيراعظم محمد شهباز شريف ڇهين ورلڊ نوميڊ گيمز جي افتتاحي تقريب ۾ شرڪت ڪئي، تقريب ۾ اچڻ تي ڪرغزستان جي صدر صادر نور گوجوئچ زاپاروف وزيراعظم جو استقبال ڪيو. سومر ڏينهن وزيراعظم آفيس جي ميڊيا ونگ پاران جاري بيان موجب افتتاحي تقريب ۾ شنگهائي تعاون تنظيم جي اجلاس ۾ شرڪت جي لاءِ ايندڙ ٻين ملڪن جي سربراهن پڻ شرڪت ڪئي. وزيراعظم محمد شهباز شريف اٿي بيهي نوميڊ گيمز ۾ حصو وٺندڙ پاڪستاني رانديگرن جي دستي کي خراج تحسين پيش ڪيو. پاڪستاني دستي جي اچڻ تي اسٽيڊيم ۾ موجود شائقين به پاڪستاني دستي کي داد ڏني. پاڪستاني رانديگر مختلف راندين ۾ حصو وٺندا. عالمي نوميڊ گيمز وچ ايشيا جي روايتي راندين جي لاءِ منعقد ٿيندڙ هڪ عالمي راندين جو مقابلو آهي. نوميڊ گيمز وچ ايشيا جي مختلف قومن جي ثقافتن ۾ ڳنڍيل روايتي راند جهڙوڪ ٻيڙي، جانورن جي شڪار جي روايت، تيراندازي ۽ ذهني ۽ فڪري راندين تي ٻڌل آهي. ڇهين ورلڊ نوميڊ گيمز 31 آگسٽ کان 6 سيپٽمبر 2026ع تائين ڪرغزستان ۾ منعقد ٿي رهيون آهن. انهن راندين جو مقصد مختلف ملڪن جي عوام جي وچ ۾ ثقافتي رابطن، گڏيل مفاهمت ۽ تعاون کي فروغ ڏيڻ آهي.