ڪراچي - 31 آگسٽ (اي پي پي) انٽر بورڊز ڪوآرڊينيشن ڪميشن (آءِ بي سي سي) جي ايگزيڪيوٽو ڊائريڪٽر ڊاڪٽر غلام علي ملاح آءِ بي سي سي جي ڪراچي ريجنل آفيس جو دورو ڪيو. ان موقعي تي ڊائريڪٽر جنرل آءِ بي سي سي عثمان خان پڻ ساڻس گڏ هو. ڊاڪٽر ملاح آفيسرن ۽ عملي سان ملاقات ڪئي ۽ شاگردن ۽ عوام کي بهتر سهولتون فراهم ڪرڻ جي لاءِ انهن جي محنت، …
ڊاڪٽر غلام علي ملاح جو آءِ بي سي سي ڪراچي آفيس جو دورو
مزید خبریں
ڪراچي – 31 آگسٽ (اي پي پي) انٽر بورڊز ڪوآرڊينيشن ڪميشن (آءِ بي سي سي) جي ايگزيڪيوٽو ڊائريڪٽر ڊاڪٽر غلام علي ملاح آءِ بي سي سي جي ڪراچي ريجنل آفيس جو دورو ڪيو. ان موقعي تي ڊائريڪٽر جنرل آءِ بي سي سي عثمان خان پڻ ساڻس گڏ هو. ڊاڪٽر ملاح آفيسرن ۽ عملي سان ملاقات ڪئي ۽ شاگردن ۽ عوام کي بهتر سهولتون فراهم ڪرڻ جي لاءِ انهن جي محنت، پيشيواراڻي صلاحيت ۽ عزم کي ساراهيو. ڪراچي آفيس پهچڻ تي اعجاز احسن ۽ ان جي ٽيم ايگزيڪيوٽو ڊائريڪٽر جو شاندار استقبال ڪيو. ان موقعي تي آفيسرن ۽ عملي ڊاڪٽر غلام علي ملاح کي پاڪستان حڪومت پاران تمغه امتياز عطا ڪرڻ جي اعلان تي مبارڪباد ڏني. ڊاڪٽر ملاح ٽيم جي محبت ۽ نيڪ خواهشن تي ٿورا ادا ڪندي چيو ته اهو قومي اعزاز ڪنهن هڪ شخص جي ڪاميابي نه آهي پر آءِ بي سي سي جي پوري ٽيم جي گڏيل ڪوششن، محنت ۽ وفاقي تعليم ۽ پيشيواراڻي تربيت واري وزارت جي مسلسل سرپرستي، رهنمائي ۽ اعتماد جو نتيجو آهي.
هن چيو ته آءِ بي سي سي ۾ ڊيجيٽلائيزيشن، عوامي سهولتڪاري، خدمتن جي بهتري ۽ امتحاني ۽ اسيسمنٽ نظام ۾ سڌارن جهڙا قدم اداري جي آفيسرن ۽ ملازمن جي گڏيل محنت سان ممڪن ٿيا آهن. ڊاڪٽر ملاح ڪراچي آفيس جي ٽيم تي زور ڀريو ته اها جذبي، ديانتداري ۽ پيشيواراڻي لڳاءُ سان شاگردن ۽ عوام جي خدمت جاري رکي. هن چيو ته آءِ بي سي سي جي اصل طاقت ان جي ٽيم ۽ عوام کي موثر، شفاف ۽ وقت سر خدمت فراهم ڪرڻ جو عزم آهي.
