سوات ايڪسپريس وي تي فلائنگ ڪوچ ۽ ڊمپر وچ ۾ ٽڪر، 4 ڄڻا فوت، 7 زخمي

پشاور -30 آگسٽ (اي پي پي) سوات ايڪسپريس وي تي فلائنگ ڪوچ ۽ ڊمپر ۾ ٽڪر جي نتيجي ۾ 4 ماڻهو فوت جڏهن ته 7 زخمي ٿي يپا. ريسڪيو 1122 جي ترجمان مطابق سوات موٽر وي ٽنل نمبر 3 ويجهو فلائنگ ڪوچ ۽ ڊمپر وچ ۾ ٽڪر جي نتيجي ۾ 4 ماڻهو ٿڏي تي فوت ٿي ويا جڏهن ته 7 زخمي ٿي پيا. حادثي جو اطلاع ملندي ئي ريسڪيو 1122 جون ميڊيڪل ٽيمون ايمبولينسن سان گڏ واقعي واري هنڌ پهچي ويون. ريسڪيو 1122 ۽ موٽر وي پوليس گڏيل امدادي ڪارروائي ڪندي زخمين کي شروعاتي طبي امداد فراهم ڪندي ڊي ايڇ ڪيو اسپتال منتقل ڪري ڇڏيو جڏهن ته فوت ٿي ويلن جا مڙهه ڊي ايڇ ڪيو اسپتال منتقل ڪيا ويا آهن.