نائب وزيراعظم ۽ پرڏيهي وزير سينيٽر محمد اسحاق ڊار جي سعودي عرب جي پرڏيهي وزير شهزاده فيصل بن فرحان آل سعود سان ٽيليفون تي ڳالهه ٻولهه

اسلام آباد – 28 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سعودي عرب جي پرڏيهي وزير شهزاده فيصل بن فرحان آل سعود سان ٽيليفون تي ڳالهه ٻولهه ڪئي. پرڏيهي افيس پاران جمعي ڏينهن جاري بيان موجب نائب وزيراعظم موريطانيا جي اڳوڻي پرڏيهي وزير اسماعيل اولد شيخ احمد جي اسلامي تعاون تنظيم (او آءِ سي) جي نئين سيڪريٽري جنرل جي طور تي اتفاق راءِ سان چونڊجڻ تي شهزاده فيصل بن فرحان آل سعود کي مبارڪباد ڏني. ٻنهي اڳواڻن علائقائي صورتحال ۽ گڏيل دلچسپي جي معاملن بشمول آر فور جي ايندڙ اجلاس تي پڻ خيالن جي ڏي وٺ ڪئي. ڳالهه ٻولهه دوران ٻنهي اڳواڻن ويجهو رابطو برقرار رکڻ تي اتفاق ڪيو.