اسلام آباد - 27 آگسٽ (اي پي پي) پاڪستان چيو آهي ته هو افغانستان سان رياستي سطح تي ڳالهه ٻولهه ۽ اداراجاتي رابطو شروع ڪرڻ جي لاءِ تيار آهي جڏهن ته ان جي لاءِ ضروري آهي ته افغان طالبان حڪومت ان ڳالهه کي يقيني بڻائڻ جي لاءِ ٺوس ۽ قابل تصديق دهشتگردي جي خاتمي جا قدم کڻي ته افغان سرزمين پاڪستان جي خلاف دهشتگرد گروهن جي استعمال ۾ نه اچي. …
پاڪستان افغانستان سان رياستي سطح تي ڳالهه ٻولهه ۽ اداراجاتي رابطو شروع ڪرڻ جي لاءِ تيار آهي: پرڏيهي آفيس
مزید خبریں
اسلام آباد – 27 آگسٽ (اي پي پي) پاڪستان چيو آهي ته هو افغانستان سان رياستي سطح تي ڳالهه ٻولهه ۽ اداراجاتي رابطو شروع ڪرڻ جي لاءِ تيار آهي جڏهن ته ان جي لاءِ ضروري آهي ته افغان طالبان حڪومت ان ڳالهه کي يقيني بڻائڻ جي لاءِ ٺوس ۽ قابل تصديق دهشتگردي جي خاتمي جا قدم کڻي ته افغان سرزمين پاڪستان جي خلاف دهشتگرد گروهن جي استعمال ۾ نه اچي. پرڏيهي آفيس جي ترجمان طاهر حسين اندرابي خميس ڏينهن هتي هفتيوار پريس بريفنگ دوران چيو ته ڪنهن به ڳالهه ٻولهه جي لاءِ ضروري آهي ته افغان طالبان ان ڳالهه کي يقيني بڻائين ته افغان سرزمين پاڪستان جي خلاف دهشتگردي جي لاءِ استعمال نه ٿئي. ڪابل کي دوحه فريم ورڪ سميت پنهنجي عالمي ذميوارين جي پاسداري ڪرڻي پوندي ۽ ان ڳالهه کي يقيني بڻائڻو پوندو ته افغان سرزمين تان پاڪستان جي خلاف دشمن پراڪسيز خاص طور تي ٽي ٽي پي ۽ بي ايل اي کي استعمال نه ڪيو وڃي. هن واضح ڪيو ته جيڪڏهن افغان حڪومت جا قدم ڪنهن پاڙيسري ملڪ جي چوڻ تي کنيا پيا وڃن ۽ خاص طور تي افغان سرزمين تان ٿيندڙ دهشتگردي ۾ ڀارتي مداخلت جا ثبوت موجود هجن ته پاڪستان انهن عنصرن کي پراڪسيز قرار ڏيڻ تي مجبور هوندو. مڪه گڏيل دفاعي معاهدي ۾ بنگلاديش سميت ٻين ملڪن جي شموليت ۾ دلچسپي جي حوالي سان سوال تي ترجمان ان کي اڀرندڙ دفاعي نظام قرار ڏنو جيڪو گڏيل سلامتي ذميواريون رکندڙ ملڪن جي لاءِ کليل آهي. هن چيو ته باضابطا درخواستن جو رياض ۽ انقره ۾ حصيدارن سان مشاورت سان جائزو ورتو ويندو. هن چيو ته هڪ ارتقا پذير سلامتي نظام جي طور تي ايم جي ڊي اي انهن ملڪن جي لاءِ کليل آهي جيڪي گڏيل عزم، گڏيل ذميوارين ۽ گڏيل سلامتي مفاد رکن ٿا، ڪنهن به باضابطا درخواست تي رياض ۽ انقره ۾ اسان جي حصيدارن سان مشاورت کانپوءِ غور ڪيو ويندو جڏهن ته ايم جي ڊي اي کي عملي شڪل ڏيڻ جو عمل اڃا شروعاتي مرحلي ۾ آهي. ترجمان چيو ته پاڪستان نئين دهلي ۾ پاڪستاني هاءِ ڪميشن جي ٻاهران موجود قونصلر سهولتن کي هڪطرفي طور تي مسمار ڪرڻ تي ڀارتي عملدارن جي خلاف سخت سفارتي احتجاج رڪارڊ ڪرايو آهي. هن ان کي اسلام آباد پاران سفارتي مشنز ۾ قبضن جي خلاف اڳواٽ اطلاع سان ڪيل آپريشن کان مختلف قرار ڏنو. گڏيل قومن جي جنرل اسيمبلي جي ايندڙ اجلاس ۾ پاڪستان جي شرڪت بابت سوال تي ترجمان چيو ته ان حوالي سان تياريون جاري آهن ۽ پاڪستان انهن دستاويزن جي تياري ۾ پنهنجون تجويزون پيش ڪندو جيڪي جنرل اسيمبلي، ان جي ڪنهن اداري يا ڪنهن ايجنسي پاران ان موقعي تي جاري ڪيون وينديون. ترجمان چيو ته برطانيا جي جاري سرڪاري دوري دوران نائب وزيراعظم ۽ پرڏيهي وزير سينيٽر محمد اسحاق ڊار انٽرنيشنل ميري ٽائيم آرگنائيزيشن جي سيڪريٽري جنرل ارسينيو ڊومنگيز سان ملاقات ڪئي ۽ صومالي قزاقن پاران يرغمال بڻايل 10 پاڪستاني سامونڊي ڪارڪنن جي محفوظ آزادي جي لاءِ اداراجاتي مداخلت جي درخواست ڪئي. هن صورتحال جي پيچيدگي کي اجاگر ڪندي چيو ته حڪومت انهن جي آزادي جي لاءِ فعال ڪوششون ڪري رهي آهي جڏهن ته اهو هڪ ڏکيو مسئلو آهي جنهن ۾ قبائلي معاشرو ۽ توانائي بابت ڪارگو شامل آهي جنهن جي ڪري سڌوسنئون ڪارروائي جا امڪان محدود آهن.
