سيڙپڪاري بورڊ واري وفاقي وزير پاران چنيوٽ ۾ جشن آزادي جي موقعي تي موٽرسائيڪل سوارن لاءِ 5، 5 ليٽر مفت پيٽرول ڏيڻ جو سلسلو جاري

چنيوٽ-14 آگسٽ (اي پي پي) پاڪستان جي 79 هين جشن آزادي جي موقعي تي چنيوٽ ۾ سيڙپڪاري بورڊ واري وفاقي وزير قيصر احمد شيخ طرفان هر سال جي روايت برقرار رکندي موٽرسائيڪل سوارن لاءِ 5، 5 ليٽر مفت پيٽرول فراهمي جو سلسلو جاري آهي. ان موقعي تي وفاقي وزير مختلف هنڌن تي موجود شهرين ۾ مفت پيٽرول جا ٽوڪن ورهايا، جڏهن ته هزارين ماڻهن قومي جهنڊو کڻي ان منفرد عوامي قدمن ۾ ڀرپور شرڪت ڪئي. قومي جهنڊي سان آيل هر موٽرسائيڪل سوار کي پنج ليٽر مفت پيٽرول فراهم ڪيو پيو وڃي، جڏهن ته رڪشه ڊرائيورن لاءِ به خصوصي انتظام ڪيا ويا آهن. ان قدم جو مقصد جشن آزادي جي خوشين ۾ عوام کي شريڪ ڪرڻ ۽ حب الوطني جي جذبي کي هٿي ڏيڻ آهي. شهرين ان قدم کي ساراهيندي چيو ته جشن آزادي تي عوام کي مفت پيٽرول جي فراهمي چنيوٽ جي هڪ منفرد روايت بڻجي چڪي آهي، جيڪا قومي خوشين کي ٻيڻو ڪرڻ سان گڏوگڏ عوام ۾ اتحاد، يڪجهتي ۽ حب الوطني جي جذبي کي به هٿي ڏي ٿي.