نائب وزيراعظم ۽ پرڏيهي وزير سينيٽر محمد اسحاق ڊار جي سينيگال جي پرڏيهي وزير شيخ نيانگ سان ٽيليفون تي ڳالهه ٻولهه

اسلام آباد – 11 آگسٽ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سينيگال جي پرڏيهي وزير شيخ نيانگ سان اڱاري ڏينهن ٽيليفون تي ڳالهه ٻولهه ڪئي. پرڏيهي آفيس موجب ٻنهي پرڏيهي وزيرن گڏيل دلچسپي جي سمورن شعبن ۾ پاڪستان ۽ سينيگال جي ٻطرفي لاڳاپن کي وڌيڪ مضبوط بڻائڻ جي عزم جو اظهار ڪيو. هنن گهڻ رخي فورمز خاص طور تي گڏيل قومن ۾ جاري تعاون ۽ گڏيل رابطي کي وڌيڪ فروغ ڏيڻ تي پڻ اتفاق ڪيو.