آسٽريا ۾ جون دوران هيٽ ويوز سبب 395 ماڻهو فوت ٿيا

ويانا- 02 آگسٽ (اي پي پي) آسٽريا ۾ جون دوران آيل هيٽ ويوز سبب 395 ڄڻا فوت ٿيا. پرڏيهي ميڊيا مطابق اها ڳالهه آسٽرين صحت ۽ غذائيت بابت ايجنسي ٻڌائي. ايجنسي چيو ته هيٽ ويو سبب رڪارڊ تي ڪنهن به گذريل جون مهيني جي ڀيٽ ۾ وڌيڪ فوتگيون ٿيون. ان کان اڳ جون 2019ع ۾ ملڪ ۾ هيٽ ويوز سبب 60 فوتگيون رڪارڊ ڪيون ويون هيون. آسٽريا جي صحت بابت وزير ڪورينا شومن چيو آهي ته شديد گرمي سبب فوتين جو اهو انگ ڇرڪائيندڙ آهي. ان کان اڳ انگلينڊ ۽ ويلز ۾ ٻن مهينن دوران هيٽ ويوز سبب اٽڪل 2700 ماڻهن جي فوت ٿيڻ جو اطلاع سامهون آيو هو.