پاڪستان ايئر فورس پاران باصلاحيت ۽ پرعزم نوجوانن لاءِ ڪميشنڊ آفيسر طور شامل ٿيڻ جي موقعن جو اعلان

سکر- 21 جولاءِ (اي پي پي)پاڪستان ايئر فورس باصلاحيت ۽ پرعزم نوجوانن لاءِ ڪميشنڊ آفيسر طور شامل ٿيڻ جي موقعن جو اعلان ڪيو آهي. خواهشمند اُميدوار 22 جولاءِ کان 3 آگسٽ 2026 تائين پاڪستان ايئر فورس جي ويب سائيٽ تي آن لائن رجسٽريشن ڪرائي سگهن ٿا. پاڪستان ايئر فورس انفارميشن اينڊ سليڪشن سينٽر سکر پاران جاري ڪيل پڌرائيءَ موجب، اُميدوار مستقل ڪميشن ۾ جنرل ڊيوٽي پائلٽ، ايرو ناٽيڪل انجنيئرنگ، ايئر ڊيفنس، ايڊمن اينڊ اسپيشل ڊيوٽيز، لاجسٽڪس جڏهن ته شارٽ سروس ڪميشن (SSC/SPSSC) تحت ايجوڪيشن، انجنيئرنگ، اڪائونٽس ۽ آءِ ٽي برانچن ۾ درخواستون جمع ڪرائي سگهن ٿا. ترجمان موجب اهل اُميدوار مقرر ٿيل مدي دوران www.joinpaf.gov.pk تي آن لائن رجسٽريشن مڪمل ڪن.