ڊي سي شڪارپور پاران شهر جو دورو، سرڪاري اگهه وڌيڪ اگهه وصول ڪندڙ 10 ايل پي جي دڪان سيل

لاڙڪاڻو 04 جولاءِ (اي پي پي) ڊپٽي ڪمشنر شڪارپور شڪيل احمد ابڙو پاران شڪارپور شهر ۾ ايل پِي جِي دڪانن جو دورو ڪري، شهرين کي ملندڙ ايل پي جي اگهن کي چيڪ ڪيو. ان دوران ڊپٽي ڪمشنر شڪارپور ايل پي جي سرڪاري اگھن کان وڌيڪ هلائيندڙ 10 دڪانن خلاف ڪارروائي ڪندي انهن دڪانن کي سِيل ڪري ڇڏيو.ڊپٽي ڪمشنر شڪارپور پاران ڪارروائي بعد ايل پِي جِي ايسوسيئيشن، ڊپٽي ڪمشنر شڪارپور شڪيل احمد ابڙو سان آفيس ۾ ملاقات ڪئي، جنهن دوران ايسوسيئيشن پاران اهو يقين ڏياريو ويو ته شهر ۾ ايل پِي جِي سرڪاري اگهن مطابق هلائي ويندي.