ڪراچي- 30 جون (اي پي پي) ڪراچي جي ميئر بئريسٽر مرتضيٰ وهاب ڪراچي ۾ نالن جي صفائي جي اثرائتي نگراني لاءِ ڊرون ٽيڪنالاجي استعمال ڪرڻ جو اعلان ڪيو آهي. ميئر بئريسٽر مرتضيٰ وهاب شهر جي مختلف علائقن جو دورو ڪيو، جتي هن صفائي جي انتظامن جو جائزو وٺڻ سان گڏ خاص طور تي نالن جي صافي جي ڪم جو معائنو ڪيو. هن گجر نالي تي جاري صفائي واري ڪم جو …
ڪراچي جي ميئر پاران ڪراچي ۾ نالن جي صفائي جي اثرائتي نگراني لاءِ ڊرون ٽيڪنالاجي استعمال ڪرڻ جو اعلان
مزید خبریں
ڪراچي- 30 جون (اي پي پي) ڪراچي جي ميئر بئريسٽر مرتضيٰ وهاب ڪراچي ۾ نالن جي صفائي جي اثرائتي نگراني لاءِ ڊرون ٽيڪنالاجي استعمال ڪرڻ جو اعلان ڪيو آهي. ميئر بئريسٽر مرتضيٰ وهاب شهر جي مختلف علائقن جو دورو ڪيو، جتي هن صفائي جي انتظامن جو جائزو وٺڻ سان گڏ خاص طور تي نالن جي صافي جي ڪم جو معائنو ڪيو. هن گجر نالي تي جاري صفائي واري ڪم جو تفصيلي معائنو ڪيو. ان موقعي تي سينيئر ڊائريڪٽر ميونسپل سروسز کيس نالن جي صفائي بابت جاري قدمن ۽ اڳڀرائي تي بريفنگ ڏني. ان موقعي تي ميئر چيو ته سڄي شهر ۾ وڏن نالن جي صفائي جو ڪم تيزي سان جاري آهي. هن چيو ته نالن جي صفائي واري ڪم جي نگراني لاءِ ڊرون ٽيڪنالاجي پڻ استعمال ڪئي ويندي، جنهن سان ڪم جي رفتار، معيار ۽ شفافيت کي بهتر بڻائڻ ۾ مدد ملندي. هن چيو ته ڪراچي ميٽروپوليٽن ڪارپوريشن چوماسي جي برساتن کي نظر ۾ رکندي سمورا ضروري قدم کڻي رهي آهي ۽ ڪنهن به هنگامي صورتحال کي منهن ڏيڻ لاءِ مڪمل طور تي تيار آهي.
