شهزاده فيصل بن فرحان سان عمان ۽ اردن جي پرڏيهي وزيرن جو ٽيليفونڪ رابطو

رياض – 27 جون (اي پي پي) سعودي عرب جي پرڏيهي وزير شهزاده فيصل بن فرحان بن عبدالله سان عمان جي پرڏيهي وزير بدر بن حمد بن حمود البوسعيدي ۽ اردن جي نائب وزيراعظم ۽ پرڏيهي وزير ايمن الصفدي ٽيليفونڪ رابطو ڪيو آهي. پرڏيهي ميڊيا مطابق ٻنهي ملڪن جي پرڏيهي وزيرن شهزاده فيصل بن فرحان سان ڌار ڌار ٽيليفونڪ رابطو ڪيو. ٽيليفونڪ رابطي ۾ خطي جي تازي صورتحال ۽ ٿيل اڳڀرائي تي ڳالهه ٻولهه ڪئي وئي ۽ ٻه طرفا رابطن ۽ مشاورت جي حوالي سان به خيالن جي ڏي وٺ ڪئي وئي.