لاڙڪاڻو- 20 جون (اي پي پي) لاڙڪاڻو جي ميئر ايڊووڪيٽ انور علي لهر مختلف امام بارگاهن ۽ ماتمي جلوسن جي رستن جو دورو ڪري محرم الحرام جي انتظامن جو جائزو ورتو. هن انجمن پنجتني، کچي امام بارگاه، انجمن چهاردہ، معصومين امام بارگاه، شاه ڪربلا سيد جاڙل شاهه امام بارگاه، جعفري امام بارگاه، درِ عباس ۽ ولايتِ اميرالمؤمنين امام بارگاه سميت مختلف ماتمي رستن جو دورو ڪيو. هن صفائي سٿرائي، اسٽريٽ …
لاڙڪاڻو جي ميئر پاران مختلف امام بارگاهن ۽ ماتمي جلوسن جي رستن جو دورو، محرم الحرام جي انتظامن جو جائزو ورتو
مزید خبریں
لاڙڪاڻو- 20 جون (اي پي پي) لاڙڪاڻو جي ميئر ايڊووڪيٽ انور علي لهر مختلف امام بارگاهن ۽ ماتمي جلوسن جي رستن جو دورو ڪري محرم الحرام جي انتظامن جو جائزو ورتو. هن انجمن پنجتني، کچي امام بارگاه، انجمن چهاردہ، معصومين امام بارگاه، شاه ڪربلا سيد جاڙل شاهه امام بارگاه، جعفري امام بارگاه، درِ عباس ۽ ولايتِ اميرالمؤمنين امام بارگاه سميت مختلف ماتمي رستن جو دورو ڪيو. هن صفائي سٿرائي، اسٽريٽ لائيٽس، گندي پاڻي جي نيڪالي ۽ ٻين بلدياتي سهولتن جي حوالي سان جاري ڪمن جو معائنو ڪيو. هن لاڳاپيل آفيسرن، ٽائون چيئرمينن ۽ ميونسپل ڪارپوريشن جي عملي کي هدايت ڪئي ته محرم الحرام جي مقدس ڏينهن دوران عزادارن کي هر ممڪن سهولتون فراهم ڪيون وڃن ۽ سمورا انتظام وقت سر مڪمل ڪيا وڃن. هن چيو ته ضلعي انتظاميا، ميونسپل ڪارپوريشن، چونڊيل نمائندا ۽ لاڳاپيل ادارا گڏيل سهڪار سان عزادارن کي پرامن ۽ بهتر ماحول فراهم ڪرڻ لاءِ پنهنجون ذميواريون ڀرپور نموني ادا ڪن، ته جيئن محرم الحرام جا سمورا اجتماع ۽ جلوس خير سان منعقد ٿي سگهن.
