سعودي ريزرو ۾ ماکي جي مک پالڻ جي پرمٽ لاءِ درخواستون طلب

رياض-04 جون (اي پي پي )سعودي عرب جي امام ترڪي بن عبدالله رائل نيچر ريزرو ڊويلپمينٽ اٿارٽي ماکي جي مک پالڻ جي پنجي سيزن جي هڪ حصي طور پر مٽ لاءِ درخواستون طلب ڪري ورتيون آهن. پرڏيهي ميڊيا موجب اٿارٽي جي ترجمان چيو ته درخواستون اٿارٽي جي ويب سائٽ ذريعي جمع ڪرائي سگهجن ٿيون. ان پروگرام ذريعي ماکي جون مکيون پالڻ ۽ قدرتي وسيلن جي پائيدار استعمال کي هٿي ڏيڻ وارين ڪوششن جي عڪاسي ٿئي ٿي. گذريل مهيني ڪنگ عبدالعزيز رائل ريزور اٿارٽي ماکي جي مک جي افزائش جي سيزن 2026 جي شروعات ڪئي  جيڪا ان شعبي جي حمايت ۽ قدرتي وسيلن جي پائيدار استعمال کي هٿي ڏيڻ وارين ڪوشش جو حصو آهي. سيزن دوران ماکي جي مک جي صنعت سان جڙيل ماڻهن کي قدرتي هنڌن تي مکيون پالڻ جي تربيت به ڏني ويندي آهي اهو سيزن 30  نومبر تائين جاري رهندو.