اسلام آباد – 26 مئي (اي پي پي) وزيراعظم محمد شهباز شريف حج جي برڪتن جي موقعي تي مسلمان امت ۽ خاص طور تي حج جو فرض ادا ڪندڙ سمورن حاجين کي دلي مبارڪباد ڏني آهي. وزيراعظم آفيس جي ميڊيا ونگ پاران حج 1447هه تي جاري پيغام ۾ وزيراعظم چيو ته حج جو مبارڪ ڏينهن عبادتگذارن جي لاءِ الله تعالى جي رحمت ۽ فضل ۽ ڪرم حاصل ڪرڻ جو بهترين …
وزيراعظم شهباز شريف پاران مسلمان امت کي حج جي مبارڪباد
مزید خبریں
اسلام آباد – 26 مئي (اي پي پي) وزيراعظم محمد شهباز شريف حج جي برڪتن جي موقعي تي مسلمان امت ۽ خاص طور تي حج جو فرض ادا ڪندڙ سمورن حاجين کي دلي مبارڪباد ڏني آهي. وزيراعظم آفيس جي ميڊيا ونگ پاران حج 1447هه تي جاري پيغام ۾ وزيراعظم چيو ته حج جو مبارڪ ڏينهن عبادتگذارن جي لاءِ الله تعالى جي رحمت ۽ فضل ۽ ڪرم حاصل ڪرڻ جو بهترين موقعو آهي، الله تعالى حاجين ۽ سمورن مسلمانن جي عبادتن کي قبوليت عطا فرمائي ۽ اسلامي قدرن کي پنهنجي عملي زندگي ۾ لاڳو ڪرڻ جي توفيق ڏي. هن چيو ته حج جو پروقار اجتماع مسلمان امت جي گڏيل اتحاد ۽ گڏيل ذميواري جي احساس کي اجاگر ڪري ٿو. انهي محبت ۽ ايثار جي جذبي ۽ گڏيل تعاون ۾ اصل قومي ۽ گڏيل ترقي ۽ خوشحالي جو راز لڪل آهي، حج جي برڪتن ۽ مقدس گهڙين ۾ پاڪستان ۽ سڄي دنيا ۾ امن ۽ سلامتي ۽ استحڪام جي لاءِ دعاڳو آهيون، اسان الله جي آڏو دعاڳو آهيون ته عالمي امن، عدل ۽ انصاف، ڀائيچاري جي فضا کي سگهه ملي ته جيئن انسانيت جي ڀلائي ۽ گڏيل ڀلائي جي لاءِ ڪم ٿي سگهي. آمين.
