عالمي مارڪيٽ ۾ تيل جي اگهن ۾ گڏيل لاڙو رڪارڊ

اسلام آباد-21 مئي(اي پي پي) عالمي مارڪيٽ ۾ خميس ڏينهن تيل جي اگهن ۾ گڏيل لاڙو رهيو. رپورٽ موجب مختلف مارڪيٽن ۾ بينچ مارڪس تحت مستقبل جا سودا 105 ڊالرن کان وٺي 107 ڊالرز في بيرل وچ ۾ طئه ٿيا. آمريڪي ڪچي تيل ويسٽ ٽيڪساس انٽرميڊيٽ جا سودا 0.89 ڊالر جي گهٽتائي سان 107.77 ڊالرز في بيرل ۽ برينٽ ڪروڊ جا سودا 0.53 ڊالر جي اضافي سان 105.55 ڊالرز ۾ طئه ٿيا. سون جي اگهه ۾ 12.60 ڊالرن جي گهٽتائي  آئي جنهن  کان پوءِ في اونس سون جو اگهه 4522.70 ڊالرز جڏهن ته  في اونس چاندي جو اگهه 1.07 ڊالر جي گهٽتائي کان پوءِ 75.11 ڊالرز في اونس رڪارڊ ڪيو ويو.