ملڪ ۾ تيل ۽ گئس جي پيداوار ۾ هفتيوار بنيادن تي لاٿ رڪارڊ

اسلام آباد-20 مئي (اي پي پي) ملڪ ۾ تيل ۽ گئس جي پيداوار ۾ هفتيوار بنيادن تي لاٿ رڪارڊ ڪئي وئي آهي. پي پي آءِ ايس ۽ انڊسٽري جي انگن اکرن موجب، 18 مئي تي ختم ٿيندڙ هفتي ۾ ملڪ ۾ ڪچي تيل جي سراسري روزاني پيداوار 70215 بيرل هئي، جيڪا گذريل هفتي جي ڀيٽ ۾ 1.9 سيڪڙو گهٽ آهي. گذريل هفتي ۾ ملڪ ۾ ڪچي تيل جي سراسري روزاني پيداوار 71552 بيرل رڪارڊ ڪئي وئي هئي. ساڳئي طرح، 18 مئي تي ختم ٿيندڙ هفتي ۾، ملڪ ۾ گئس جي سراسري روزاني پيداوار 3028 ايم ايم سي ايف ڊي رڪارڊ ڪئي وئي، جيڪا گذريل هفتي جي ڀيٽ ۾ 3.2 سيڪڙو گهٽ آهي. گذريل هفتي ۾، ملڪ ۾ گئس جي سراسري روزاني پيداوار 3126 ايم ايم سي ايف ڊي رڪارڊ ڪئي وئي هئي. انگن اکرن موجب، 18 مئي تي ختم ٿيندڙ هفتي ۾، او جي ڊي سي ايل جي ڪچي تيل جي سراسري روزاني پيداوار 36610 بيرل، پي پي ايل 11929 بيرل، پي او ايل 4141 بيرل ۽ ماڙي گيس ڪمپني جي ڪچي تيل جي سراسري روزاني پيداوار 1433 بيرل هئي. انگن اکرن موجب، 18 مئي تي ختم ٿيندڙ هفتي ۾، او جي ڊي سي ايل جي گئس جي سراسري روزاني پيداوار 674 ايم ايم سي ايف ڊي، پي پي ايل 523 ايم ايم سي ايف ڊي، پي او ايل 64 ايم ايم سي ايف ڊي ۽ ماڙي گيس جي گئس جي سراسري روزاني پيداوار 989 ايم ايم سي ايف ڊي رڪارڊ ڪئي وئي.