واپار واري وفاقي وزير ڄام ڪمال خان سان آل پاڪستان بيڊ شيٽس اينڊ اپ هولسٽري ايسوسيئيشن جي وفد جي ملاقات

اسلام آباد-15 مئي (اي پي پي) واپار واري وفاقي وزير ڄام ڪمال خان سان آل پاڪستان بيڊشيٽس اينڊ اپ هولسٽري ايسوسيئيشن جي هڪ وفد تفصيلي ملاقات ڪئي جنهن ۾ اي پي بي يو اي پي ايم اي جي روانگي واپار جي معاملن تي خيالن جي ڏي وٺ ڪئي وئي. مارڪيٽنگ، برانڊنگ ۽ پروموشن، عالمي مارڪيٽ تائين پهچ، واپاري فنانسنگ ۽ ننڍي ۽ وچولي درجي جي ڪاروباري ادارن کي درپيش اهم مسئلن تي به تفصيلي ڳالهه ٻولهه ڪئي وئي. وفد  وفاقي وزير کي عالمي مارڪيٽن ۾ پاڪستان جي ايس ايم ايز جي قدمن کي وڌائڻ ۽ واپار کي هٿي وٺرائڻ جي قدمن ذريعي روانگي واپار ۾ اضافي لاءِ ايسوسيئيشن جي جاري ڪوششن بابت ٻڌايو. هن چيو ته اي پي بي يو ايم اي جون 15 رڪني ڪمپنيون لاس اينجلس ۾ 21 کان 23 جولاءِ 2026ع تائين ٿيندڙ هوم ٽيڪسٽائيل سورسنگ نمائش ۾ پاڪستان جي پويلين ذريعي شرڪت ڪري رهيون آهن، جنهن لاءِ ايسوسيئيشن وفاقي وزير کي درخواست ڪئي ته هو ايونٽ جي سرپرستي ڪري ۽ ٽارگيٽ پروڊڪٽ کي هٿي ڏيڻ لاءِ ڪاروبار کي هٿي ڏي. وفد چيو ته ڪمپنيون ان نمائش ۾ پنهنجن وسيلن ذريعي پاڪستان جي گهريلو ٽيڪسٽائيل روانگي واپار کي هٿي ڏيڻ، پرڏيهي خريدارن جو ڌيان ڇڪرائڻ ۽ عالمي واپاري رابطن کي مضبوط ڪرڻ لاءِ نجي شعبي جي قيادت هيٺ ڪوششن جي حصي طور شرڪت ڪري رهيون آهن. واپار واري وزير خاطري ڪرائي ته آمريڪا ۾ مقرر پاڪستان جا واپاري ۽ سيڙپڪاري آفيسرز لاس اينجلس ۾ هوم ٽيڪسٽائيل نمائش ۾ شرڪت ڪندڙ APBUMA جي ميمبرن کي عالمي برانڊز ۽ ريٽيلرز سان بامعنيٰ تعاون لاءِ مناسب سهولت فراهم ڪندا.