قومي اسيمبلي زنا بالجبر روڪٿام (تفتيش ۽ ٻڌڻي ڪيس) ترميمي بل 2025 جي منظوري ڏئي ڇڏي

اسلام آباد -12 مئي (اي پي پي)قومي اسيمبلي زنا بالجبر روڪٿام (تفتيش ۽ ٻڌڻي ڪيس) ترميمي بل 2025ع جي منظوري ڏئي ڇڏي آهي. گذريل ڏينهن قومي اسيمبلي جي اجلاس ۾ سيده نوشين افتخار زنا بالجبر روڪٿام (تفتيش ۽ ٻڌڻي ڪيس) ترميمي بل 2025ع اسٽينڊنگ ڪميٽي مان منظور هجڻ جي صورت ۾ ايوان ۾ پيش ڪرڻ جي اجازت گهري، اجازت ملڻ تي هن بل ايوان ۾ پيش ڪيو جنهن کي ايوان شق وار منظوري ڏئي ڇڏي. ايوان بل تي عاليه ڪامران جي ترميمن کي رد ڪري ڇڏيو.