چيني فيڪٽري ۾ ڌماڪو، فوتين جو انگ وڌي 37 ٿي ويو، هڪ اڃان تائين گم

بيجنگ-08 مئي (اي پي پي)چين جي صوبي هنان ۾ آتش بازي جي فيڪٽري ۾ ٿيل ڌماڪي ۾ فوتين جو انگ وڌي 37 ٿي ويو آهي، هڪ شخص اڃان تائين گم آهي. پرڏيهي خابرو اداري موجب فيڪٽري ۾ ٿيل ڌماڪي جي جاچ جاري آهي. شروعاتي معلومات موجب ڌماڪي سبب فيڪٽري جي وڏي حصي کي نقصان پهتو آهي جڏهن ته ڪيترائي ماڻهو ملبي هيٺ دٻيل هئا جن کي ڪڍيو ويو آهي. واقعي جي جاچ شروع ڪئي وئي آهي، جڏهن ته ڌماڪي جو سبب هن وقت تائين معلوم نه ٿي سگهيو آهي.